uKusosa bakithi 'Phansi ngobumbulu lodlame'

uKusosa bakithi 'Phansi ngobumbulu lodlame'
Published: 18 May 2017 (628 Views)
ABASEKELI beqembu elidala kulawo wonke kumdlalo wenguqu iHighlanders FC, sebebike ukuba bayaxolisa ngodlame lobukliwi obenziwe ngabanye babo ngeSonto edluleyo mhla umsekeli kanompembe esenza iphutha eMagumeni.

Kulandela isehlakalo lesi, uMthunywa ungene esitaladeni sakoBulawayo, wakhuluma kabanzi labasekeli bakaMantengwane abangena enkundleni.

Abasekeli laba, inengi elihlala lingena eBarbourfields, lithe loba uKusosa wenza iphutha, ukujikwa kwezigubhu lokungena enkundleni kwaba lihlazo.

Kuyindaba esematheni abantu ukujikijelwa kukamsekeli kanompembe uThomas Kusosa ngemva kokuba "eyehluleke" ukubamba i-offside eyenziwa ngumdlali weDynamos owasuka wahlohla.

Kuthe sekuhlohlwe lelibhola, umdlalo wamiswa ngoba abasekeli beHighlanders abathile sebevuke ubhova, baxotsha uKusosa.

Ngokutsho kwabalandeli, uKusosa waba ngumqali womsindo, bengazi ukuthi umthetho wenguqu uthi umbono kanompembe awuphikiswa.

"Udlame asilufuni kodwa onompembe abafunde ukuhlonipha umdlalo labasekeli ngoba ukuba lembono esuka ivuse ulaka asivumelani lakho," kutsho uCosmas Khumalo ekhuluma eseBarbourfields.

"Unompembe labasekeli bakhe baqakatheke kakhulu emdlalweni kodwa akumelanga abalandeli lababukeli bebone angathi onompembe bahlose ukubhidliza. Asifundeni inhlonipho bantu bakithi."

UCollen Mpofu, olilunga eligcweleyo leBosso uthe okungcono yikuthi bonke abenza udlame babanjwe bajeziswe.

"Thina njengabasekeli asifundisaneni ukuthi sihloniphe umthetho wenguqu. Kumele sizithibe. Lanxa iqembu lingajeziswa, akubanjwe izikliwi lezo. Ziyasiyangisa sibili. Sithi mayuyu ngokwenzakalayo."

Omunye wabasekeli laba uNever Phiri ubike ukuba kumaqula abo njengabasekeli batshumayela njalonje ukuthi kungabi lodlame.

UPhiri ucele amapholisa akuleli ukuthi angesabi ukuhwatsha izikliwi emphakathini ngoba abantu laba abenza umsindo eBarbourfields babonakala  egcekeni lomdlalo ungakaqalisi.

"Udlame asilufuni, yikho esihlala sikutshela abanye bethu kodwa bakhona abazenza okhanda tshisa. Asikhuzaneni ngoba izenzo zethu zilimaza iqembu. Kanti abomthetho benzani nxa besekela abantu besenza umsindo. Mhla womdlalo babukela, bekela abantu bezenzela umathanda. Ayegcwele phela amapholisa.

"Singakhohlwa njalo ukuthi kulabonompembe abaqala umsindo. UThomas Kusosa ngomunye wabo abaxabana lamaqembu ngokungenzi umsebenzi kuhle," kutsho uPhiri.

UPhiri labanye bavumelane ukuthi inhlanganiso yePremier Soccer League (PSL) leyeZimbabwe Football Association (ZIFA) zicele onompembe beSouth Africa kumbe amanye amazwe aseduzane ukuthi baphathe imidlalo yeHighlanders leDynamos.

Usaziwayo kwezosekelo lweqembu yeHighlanders odume ngelithi Teekay uthe ukubona kungcono ukuthi uThomas Kusosa engasalugxobi eBF nxa kudlala iBosso.

"Ngisola iPSL labakhetha onompembe. Bakhetheleni onompembe abenza amaphutha nsukuzonke? Akubizwe onompembe abavela phetsheya nxa kudibana iHighlanders leDynamos. Labo phela abangazi lutho ngamaqembu la womabili.

"Mina ngokwami vele angivumelani lodlame ngitsho lakancane. Okwenziwa ngabantu ababehlezi eMpankweni kuyenyanyisa, kulihlazo. Akulamuntu olengqondo ezeneleyo ongasukela ukujikijela umsekeli kanompembe ngalindlela. Lanxa wenza iphutha, kwakumele sibukele umdlalo, sikhonone ngendlela eqondileyo," kutsho uTeekay.

UNigel Mhlanga ohlala eSizinda ubike ngelibuhlungu ngokulahlekelwa yimali lobunandi bomdlalo. Uthe inkinga ikumsekeli kanompembe ngoba wayengaqalisi ukucunula umoya wabalandeli beBosso.

"Vele unompembe lo, uThomas Kusosa ulenkinga. Mhla welanga wayesebenza angathi ngoweDynamos. Kwelizayo kafunde ukuthi akwenziwa njalo kunguqu. Lokho akutsho ukuthi ngivumelana lodlame, hatshi. Phansi ngodlame.

Iqembu lizajeziswa, asiyali.

"Icebo elingenziwa yiPSL yikuthi lijezise iqembu kodwa kungabi nzima. Akudlalwe kutsha, kuthabe wonke umuntu," nguMhlanga lo, laye olilunga leBosso eligcweleyo, okhokhela abalandeli kuqula leHighlanders elokitshini leSizinda.

Kusenjalo, inkokheli zeHighlanders sezibike ukuthi zithukuthele kakhulu ngodlame olwehlele umsekeli kanompembe lo osemlonyeni yababukeli benguqu.

Kumbiko okhitshwe ngoLwesibili ntambama, iqula lenkokheli zeBosso lithe: "Okwenzakala ngeSonto kumdlalo wethu asivumelani lakho. Udlame asilwazi kuHighlanders njalo kuyasiyangisa ukuthi abasekeli beqembu belulaze umdlalo ngaleyo ndlela . . . ," kutsho umbono weBosso ngamafitshane.

Lesikhulu seZifa uPhilip Chiyangwa uthe izikliwi sekumele zijeziswe.

- uMthunywa

Tags: Kusosa, BF, Bosso, Dembare,
 0

You May Like These Videos

Comments

There are no comments.

Latest stories

Omega Sibanda launches his Zanu-PF campaign

by Staff reporter | 21 June 2018 | 131 Views

Chinamasa proud of bins ceremony

by Staff reporter | 21 June 2018 | 179 Views

Mnangagwa to tour Ekusileni

by Staff reporter | 21 June 2018 | 133 Views

Andy Muridzo wife refuses to kiss him in public

by Staff reporter | 21 June 2018 | 188 Views

Omega Sibanda launched his Zanu-PF campaign

by Staff reporter | 21 June 2018 | 115 Views

Spot FM changes name to Classic263

by Ndou Paul | 21 June 2018 | 88 Views

Mnangagwa takes campaign trail to Bulawayo

by Staff reporter | 21 June 2018 | 99 Views

ZESA employee electrocuted in Bulawayo

by Staff reporter | 21 June 2018 | 108 Views

Are tattoos good for our youths

by Tondorindo | 21 June 2018 | 100 Views

Welcome back our Original Mazoe drink

by Thomas Murisa | 21 June 2018 | 122 Views

Zanu-PF candidates threatening to shut down churches in Hobhouse

by Fanuel Chinowaita | 21 June 2018 | 129 Views

Mnangagwa to resume issuance of grants

by Staff reporter | 21 June 2018 | 100 Views

Your success is in your state of mind

by Enos Denhere | 21 June 2018 | 91 Views

Chamisa showed his true colours when he chose Mugabe over Khupe

by Anthony Mkondo | 21 June 2018 | 130 Views

Mutsvangwa barred from evicting Chipanga from farm

by Staff reporter | 21 June 2018 | 127 Views

Parly exposes Obert Mpofu

by Staff reporter | 21 June 2018 | 120 Views

Mugabe ally in court over political violence

by Staff reporter | 21 June 2018 | 115 Views

Chamisa to boycott Zimbabwe polls?

by Staff reporter | 21 June 2018 | 189 Views

WATCH: Zanu PF, MDC Alliance square off in TV debate

by CNBC Africa | 21 June 2018 | 148 Views

Woman to contest DNA test for 3rd time

by Staff reporter | 21 June 2018 | 157 Views

MTN increase LTE coverage and download speeds

by MyBroadband | 21 June 2018 | 101 Views

Mutsvangwa booed, storms out of debate

by Staff Reporter | 21 June 2018 | 212 Views

#ChinamasaChallenge a hit on Twitter

by Ndou Paul | 21 June 2018 | 178 Views

Teachers slam Mnangagwa

by Staff reporter | 21 June 2018 | 147 Views

Spot FM Zimbabwe change name to Classic263

by Ndou Paul | 21 June 2018 | 127 Views

Zuma warned Chamisa against pact with Mugabe

by Staff reporter | 21 June 2018 | 257 Views

Mugabe's health condition 'is nothing serious'

by AFP | 21 June 2018 | 118 Views

Mukupe ordered to return journalist's cellphone

by MISA | 21 June 2018 | 103 Views

URGENT: Zimbabweans who worked for Wenela eligible for compensation

by Staff reporter | 21 June 2018 | 125 Views

Cleansing ceremony for Gweru- Kwekwe highway black spot

by Staff reporter | 21 June 2018 | 165 Views

.Man hangs self in neighbour's yard

by Staff reporter | 21 June 2018 | 205 Views

Peter Ndlovu's story told in World Cup advert

by Staff reporter | 21 June 2018 | 215 Views

Banks set to cut transaction costs

by Staff reporter | 21 June 2018 | 179 Views