Mwana akagara amai vake nhaka

Mwana akagara amai vake nhaka
Published: 25 August 2013 (202783 Views)
MURUME wechidiki wemumusha waMuzunza, kwaKatsukunya mudunhu reMutoko akagara nhaka amai vake baba vari vapenyu – vaviri ava ndokutosvika pakuita mwana vose uye ari kuti baba vake ndivo vakamukurudzira kuita chipini ichi mushure mekunge vamuti "havachabaka moto".

Zvikomborero Tome (35) naamainini vake, Joyce Katiyo (39), vakatomiswa mudare redzimhosva reMutoko Magistrate Court, vose vakapihwa chirango chekushanda vachibva kumba uye pasina muripo nekuda kwemakunakuna aya.

Mudare iri, vaviri ava vakabvuma mhosva yekuti vanodanana zvisinei kuti havana kudura kuti vakatoita mwana vose izvo vakazoudza kuKwayedza nemusi weChipiri svondo rino.

Vose vakapihwa mutongo wavo nemusi wa26 Chikunguru.

Kwayedza yakashanyira vaviri ava kumba kwavo uko vave kugara vose mushure mekushaika kwababa vepamusha apa munaChikumi gore rino.

Zvikomborero naJoyce vakataura kuti vange vave nemakore maviri vachidanana kusvika panguva yakazoshaika baba vepamusha apa.

Vakazosungwa apo mapurisa akanyeverwa neveruzhinji, ndokuzoendeswa kudare.

Zvikomborero naJoyce vakasvikirwa nevatori venhau kuma6 zuva rodoka vachibva kuchikoro cheKatsukunya nekukiriniki yeKatsukunya uko vari kushanda sechirango chemutongo wavakatemerwa nedare chekushanda maawa 210 pamunhu woga-woga.

Joyce ari kushanda ari kukiriniki uyuwo Zvikomborero achishandira kuchikoro. Joyce anga ari mudzimai wababa vaZvikomborero, VaBenny Muzunza, avo vakashaika vave nemakore anodarika 80 okuzvarwa.

Mudzimai waZvikomborero anonzi akatotiza pamusha nekuda kwerudo rwaZvikomborero namainini vake Joyce.

Vaviri ava pavakataurwa navo havana kumbondandama panyaya yavo - vakati vaitosiya mushakabvu (baba vaZvikomborero) achirara oga mumba ivo vachinorara mubhedhuru remwanakomana uyu.

Zvikomborero nemudzimai wake wekuzomutiza vane vana vaviri uyewo Joyce ane vana vaviri - avo vaanoti mumwe ndewemurume wake wekushaya newaZvikomborero. Mwana wemakunakuna uyu ndiye ava nemakore matatu okuberekwa.

Zvikomborero akaudza Kwayedza kuti akaita makore maviri achidanana naamainini ava apo baba vake vainge vachiri vapenyu.

"Taidanana naamainini mukadzi wababa ivo baba vari vapenyu. Ivo baba ndivo vakatishevedza pamwe chete naamainini ndokunditaurira kuti vakanga vasisina simba repabonde, ndokuti ndipinde kuna amai kuti vasazopoya mumba.

Vakataurirawo amai ava, tose tikabvumirana," akadaro Zvikomborero.

Murume uyu anoti akamboedza kuramba zano rababa vake iri kusvikira akazongobvuma uye anoti vakanga vave kudanana zvikuru kusvika pakazoshaika baba vake.

Amai vaZvikomborero vekumubereka – Muchaneta Mvundura – vakashaika mugore ra1997 baba vake ndokuzoroora Joyce muna2005.

Zvikomborero akaberekwa achingova oga mukomana pavana vatatu.

"Ndaiva ndakaroora Ritta Chimuzinga uyo akazoenda kumba kwavo kuNyamuzizi asi ndakaita naye vana vaviri. Haana kuenda nekuda kwekudanana kwangu naamai, akaenda nekurwara," akadaro Zvikomborero. Joyce akabvumawo kuti vaidanana zvikuru nemwana uyu kusvikira mukufa kwemurume wake.

"Baba vake vaiva murume wangu chaiye zvisinei kuti vakanga vakura. Vakanga vasisagone, ini zvaindinetsawo semunhu mudiki. Ivo vaindityira ini semukadzi mudiki.

"Vakatitaurira kuti tidanane pane kuti ndiende kunze nekudaro ndaivasiya ndichienda kunorara naZvikomborero usiku hwose kusvikira pakuzofa kwavo," akadaro Joyce.

"Musikana mudiki uyu mwana waZvikomborero asi birth certificate rake akatoreswa nababa vasati vafa," akadaro Joyce.

Vaviri ava vobvunzwa kuti vaisanzwa kutya kana netsitsi here apo vaisiya baba vaZvikomborero mumba varere voga vachirwara ivo vachinosasana, vakati vakanga vasina zvekuita.

Baba vepamusha apa vakazonoshaikira kumusha kwakaroorwa mumwe mwanasikana wavo kuChiweshe uko vakanga vanorapwa ndokuzonovigwa kwaMutoko.

Sahwira mukuru wemhuri iyi, anovawo mupurisa munzvimbo iyi, Fungai Chawora, akati Zvikomborero naamai vake Joyce vakatanga kudanana kare - makore anogona kusvika mana kana mashanu.

"Ini ndakauya pano kasingapere apo Benny akauya kwandiri achiti airwadziwa nezvaiitwa naZvikomborero zvekudanana naamai vake. Akanditi nditaure navo asi havana kundinzwa, izvo zvekuti vakadanana kwemakore maviri chete kunyepa," akadaro Chawora.

Joyce naZvikomborero vakabvuma kuti sahwira wavo uyu zvechokwadi aivatsiura nenyaya yechipini chavaiita.

Zvakadai, vaviri ava vanoti dare rakavati varege zvekudanana zvachose, uyu Zvikomborero otama pamusha apa, onovaka kwake oga kuitira kuti vasazonzwirana shuga.

Vose vakaramba nyaya yekuti vanogona kudzokerana vachiti vanotya kutyora mutemo.

"Ini handichazviita zvakare, ava ndimai vangu, ndave kutotsvagawo musikana wekuroora achava muroora waamai ava," akadaro Zvikomborero.

Joyce akati zvekupinda pabonde nemwana zvakapera zvichitevera mutongo wavakapihwa nedare.

"Handizvipamhidze futi, ndave kumutora semwana wangu, kana ndanzwawo shungu dzekuda ndinongoshivirira, takanzi tingogara," akadaro Joyce. Zvachakadai, guva rababa vaZvikomborero rinoda kurohwa zvichada kuti mudzimai uyu aripe murume wake akafa iyewo Zvikomborero achiripa kutadzira baba vake.
 
"Kuripa baba vangu ndinoda asi handina mombe kana mbudzi zvayo, zvimwe chete naamai hapana zvavainazvo. Hamheno kuti ticharipa nei," akadaro.

Mukadzi uyu anoti haachada kuroorwa zvekare uye ave kugarira kuchengeta vana vake pamwe chete nevaZvikomborero. Munin'ina wababa vaZvikomborero, VaJameson Tome, havana kuonekwa kuti vataure nekuda kwenyaya iyi.

Pachivanhu, ndivo vangadai vakatenderwa kugara nhaka kumukadzi wemukoma uyu. Kwayedza haina kukwanisa kuona Ishe Mutoko kuti vapewo mafungiro avo pamakunakuna aya.

Sabhuku vemusha uyu, VaRichard Tome, vanonzi vakambotonga nyaya iyi vakaitadza sezvo vaviri ava vairamba vachipengesana murudo.


- kwaedza

Tags: Nhaka,
 

You May Like These Videos

Comments

There are no comments.

Latest stories

PHOTOS: Job Sikhala becomes an instant internet joke

by Social media | 03 October 2019 | 355 Views

America says it is worried about Zimbabwe

by Mandla Ndlovu | 03 October 2019 | 416 Views

Madinda Ndlovu to be discharged tomorrow

by Staff reporter | 03 October 2019 | 273 Views

What are behavioral disorders and how can they be managed?

by Temba Munsaka | 03 October 2019 | 242 Views

Government speaks on Robert Mugabe's body parts

by Mandla Ndlovu | 03 October 2019 | 446 Views

Zacc recovers $100m property from looters

by Staff reporter | 03 October 2019 | 244 Views

WATCH: Mnangagwa apologises for destroying Zimbabwe satire

by Mandla Ndlovu | 03 October 2019 | 252 Views

Mphoko's application for release of passport dismissed

by Staff reporter | 03 October 2019 | 187 Views

Zanu-PF restructuring exercise begins

by Staff reporter | 03 October 2019 | 195 Views

Petrotrade declares $1.5 million dividend

by Staff reporter | 03 October 2019 | 99 Views

MSU, Zupco seal bus deal

by Staff reporter | 03 October 2019 | 224 Views

Mnangagwa to open ZMF conference

by Staff reporter | 03 October 2019 | 198 Views

High Court sets EcoCash hearing date

by Staff reporter | 03 October 2019 | 197 Views

Mphoko barred from leaving Zimbabwe

by ZimLive | 03 October 2019 | 191 Views

CIO agents monitor Jonathan Moyo in Kenya

by Mandla Ndlovu | 03 October 2019 | 437 Views

Acie Lumumba targets criminals around Mnangagwa

by Mandla Ndlovu | 03 October 2019 | 424 Views

$100 limit for cash-out transactions

by Staff reporter | 03 October 2019 | 304 Views

ANC starts anti-sanctions campaign

by Staff reporter | 03 October 2019 | 147 Views

ZESN calls for political parties regulation

by Staff reporter | 03 October 2019 | 128 Views

We've no forced labour evidence on Zimbabwe diamonds, says US Embassy

by Staff reporter | 03 October 2019 | 146 Views

Ex-ZPC board chairman freed on bail

by Staff reporter | 03 October 2019 | 154 Views

Cyber Bill seeks to safeguard citizens

by Staff reporter | 03 October 2019 | 112 Views

Cassava launches Vaya tractor services

by Staff reporter | 03 October 2019 | 158 Views

MDC Alliance boycott slammed

by Staff reporter | 03 October 2019 | 106 Views

10-man Bulawayo Chiefs stun Harare City

by Staff reporter | 03 October 2019 | 120 Views

Zimbabwe has a reputational problem, says US

by newzimbabwe | 03 October 2019 | 129 Views

MDC Alliance walk of shame

by Nduduzo Tshuma | 03 October 2019 | 232 Views

MDC councillors want suspension of Cowdray Park projects

by Staff reporter | 03 October 2019 | 115 Views

RBZ floats $300m additional TBs

by Staff reporter | 03 October 2019 | 109 Views

Teenagers rob soldier

by Staff reporter | 03 October 2019 | 121 Views

Duo rape corpse, get death sentence

by Staff reporter | 03 October 2019 | 133 Views

Mnangagwa to fly out for the zenith times

by Staff reporter | 03 October 2019 | 107 Views

Chamisa's MPs approach court to reverse 5 months allowance garnish

by newzimbabwe | 03 October 2019 | 90 Views

Zimra official forges Customs papers

by Staff reporter | 03 October 2019 | 72 Views

Zifa courts two nations for Warriors' friendlies

by Staff reporter | 03 October 2019 | 59 Views